Ndryshon radikalisht projektligji për organet e qeverisjes së sistemit të drejtësisë. Në draftin e ri, i zbardhur nga Shqiptarja.com, janë reflektuar propozimet dhe diskutimet në mbledhjet e komisionit për Reformën në Drejtësi.
Varianti i fundit ndryshon formulën e zgjedhjes së anëtarëve të Këshillit të Lartë Gjyqësor, një prej organeve më të rëndësishme të sistemit të ri të drejtësisë. Drafti rrit rolin e Dhomës Kombëtare e Avokatisë në konfigurimin e KLGJ.
