Dy punonjës të burgut të Drenovës janë aksidentuar këtë të mërkurë në aksin rrugor Korçë-Kapshticë ku njëri prej tyre humbi jetën, ndërsa tjetri u plagos, ndërkohë nga përplasja të plagosur kanë mbetur edhe tre persona, që po udhëtonin në furgon.
Sipas të dhënave të para bëhet e ditur se punonjësit e burgut po ktheheshin nga një ceremoni mortore e një kolegu të tyre, kur janë përplasur me një tjetër automjet.
