Subscribe në Ora News këtu http://bit.ly/1s5j7UT
Dita e Falenderimeve, festa tradicionale amerikane është shndërruar në një traditë festimi edhe në Shqipëri.
Ashtu si çdo vit, Presidenti Nishani organizoi në Pallatin e Brigadave darkën e falenderimeve, ku të ftuar ishin Ambasadori amerikan në Tiranë Donald Lu, por edhe shtetas të tjerë amerikanë që punojnë dhe jetojnë në Shqipëri.
Kreu i Shtetit vlerësoi traditën e lashtë amerikane, duke e konsideruar një mundësi të mirë për të gjithë që te shprehin mirënjohjen e tyre.
Nishani: Do të ishte diçka e mrekullueshme që çdo ditë e jetës sonë të ishte dhe një ditë falenderimesh sepse në Shqipëri, sidomos në kohët që jetojmë, kjo mënyrë e të shprehurit të mirënjohjes sonë ndaj Zotit ka hedhur rrënjë gjithandej duke na nxitur të ndajmë të mirat me më të varfrit.
Presidenti gjatë fjalës së tij shprehu falenderime të veçanta edhe ndaj Ambasadorit amerikan Lu për respektin që ai ka treguar ndaj gjuhës shqipe.
Nishani: Kjo tregon në rradhë të parë respekt ndaj Shqipërisë dhe shqiptarëve. Kjo vë në dukje dhe përkushtimin që një vend kaq i madh i bën vendit tonë.
Për më shumë lexoni në: http://www.oranews.tv/vendi/nishani-shtron-darken-e-falenderimeve-me-amerikanet-dhe-femijet-e-sos/
