• 9 years ago
အခုတော့ စင်ကာပူဝန်ကြီးချုပ် မစ္စတာလီရှန်လွန်းရဲ့ မြန်မာနိုင်ငံတွင်းခရီးစဉ်ကနေ နှစ်နိုင်ငံကြားအစိုးရကြားသဘောတူညီခဲ့တဲ့ နှစ်နိုင်ငံကြားအပြန်အလှန် ဗီဇာမလိုပဲနေထိုင်ခွင့်ရက် ၃၀ အကြောင်းကို ရုပ်သံသတင်းအနေနဲ့ ပြန်လည်ကြည့်ရှုရမှာဖြစ်ပါတယ်။
ထူးထူးခြားခြားဝန်ကြီးချုပ် ခရီးစဉ်အတွင်း မြန်မာနိုင်ငံကဧည့်ခံခဲ့တဲ့ ကြက်သားကာလသားချက်နဲ့ လက်ဖက်ရည်ကြမ်းကတော့ ပြောစမှတ်ဖြစ်ခဲ့ပါတယ်။ တကယ်တော့ စင်ကာပူနဲ့ မြန်မာဆက်ဆံရေးက အာဆီယံနိုင်ငံတွေထဲမှာ အားကောင်းတဲ့နိုင်ငံလို့ပြောလို့ရပါတယ်။ စင်ကာပူဝန်ကြီးချုပ် လီရှန်လွန်းအနေနဲ့ အစိုးရသစ်လက်ထက် မြန်မာနိုင်ငံကို ပထမဆုံးရောက်လည်ပတ်တဲ့ အာဆီယံ နိုင်ငံတွေရဲ့ ထိပ်တန်းခေါင်းဆောင်တစ်ဦးလည်း ဖြစ်ပါတယ်။ စင်ကာပူနိုင်ငံအနေနဲ့ မြန်မာနိုင်ငံမှာ လာရောက်ရင်းနှီးမြှုပ်နှံမှုအများဆုံးလုပ်ကိုင်တဲ့ ထိပ်ဆုံးနိုင်ငံတွေထဲက တစ်ခုဖြစ်ပြီး ၂၀၁၅-၁၆ ဘဏ္ဍာနှစ်အတွင်းမှာ ရင်းနှီးမြှုပ်နှံမှုပမာဏအမေရိကန်ဒေါ်လာ ၄.၂ ဘီလီယံကျော်နဲ့ ထိပ်ဆုံးမှာရှိနေတာပါ။ စင်ကာပူနိုင်ငံရဲ့ နယ်ပယ်ကဏ္ဍပေါင်းစုံမှာ အလုပ်လုပ်ကိုင်နေတဲ့ တရားဝင်မြန်မာအလုပ်သမားအရေအတွက်အနေနဲ့ ၂သိန်းကျော်အထိရှိတယ်လို့ သိရပါတယ်။

Category

🗞
News

Recommended