ပို့ကုန်အထူးကင်းလွတ်ခွင့် ရရှိခဲ့ပြီးနောက်ပိုင်း ၁ နှစ်အတွင်းမှာပဲ မြန်မာနိုင်ငံကထွက်ရှိတဲ့ဆန်ကွဲတွေကိုဥရောပနိုင်ငံဈေးကွက်ထဲတင်ပို့နိုင်ခဲ့တာဟာမက်ထရစ်တန်ချိန် ၁ သိန်းနီးပါးရှိသွားပြီလို့ မြန်မာနိုင်ငံဆန်စပါးအသင်းချုပ် တွဲဖက်အထွေထွေအတွင်းရေးမှူး ဦးလူမော်မြင့်မောင်ကပြောပါတယ်။
မက်ထရစ်တစ်တန်ကိုအမေရိကန်ဒေါ်လာသုံးရာလောက်ရတဲ့ မြန်မာ့ဆန်ကွဲတွေကိုလစဉ်ပျမ်းမျှ တန်ချိန် ငါးထောင်နဲ့ ရှစ်ထောင်ကြားမှာတင်ပို့နေရပါတယ်။ ဒီဈေးကွက်မှာတော့ ဥရောပနိုင်ငံတွေကိုတင်ပို့နေတာဖြစ်ပြီးဘယ်လ်ဂျီယံနိုင်ငံကိုတင်ပို့မှုကအများဆုံးဖြစ်ပါတယ်။
အခုနှစ်ရဲ့ ဆန်တင်ပို့မှုကို ကြည့်မယ်ဆိုရင်လည်းဧပြီလကနေ သြဂုတ်လကုန်အထိငါးလတာကာလအတွင်းဥရောပ-အာဖရိက-တရုတ်နိုင်ငံတွေကိုမက်ထရစ်တန်ပေါင်း (၇)သိန်းလောက်တင်ပို့ထားပြီးဖြစ်တယ်လို့ ဦးလူမော်မြင့်မောင်က ဖြည့်စွက်ပြောဆိုထားပါတယ်။