ရန်ကုန်ဘူတာကြီးရဲ့ ဘက်စုံဖွံ့ဖြိုးတိုးတက်ရေးလုပ်ငန်းတွေ ဆောင်ရွက်ဖို့အတွက် နိုင်ငံပေါင်း ၁၂ နိုင်ငံကနေကုမ္ပဏီပေါင်း ၃၄ ခုလျှောက်ထားတဲ့အကြောင်း မြန်မာ့မီးရထားကနေအခုလထဲမှာသတင်းထုတ်ပြန်လိုက်ပါတယ်။ ဒီဇိုင်းနဲ့ ဆောက်လုပ်ရေးလုပ်ငန်းတွေပြုလုပ်ဖို့အတွက် ပြည်တွင်း ပြည်ပအပြည်ပြည်ဆိုင်ရာကုမ္ပဏီတွေကိုအဆိုပြုလွှာတွေခေါ်ယူပြီးတဲ့နောက် အခုလိုလျှောက်ထားခဲ့ကြတာဖြစ်ပါတယ်။
မြန်မာ့မီးရထားအနေနဲ့ ဖွံ့ဖြိုးရေးလုပ်ငန်းတွေဆောင်ရွက်မယ့် ကုမ္ပဏီတွေကိုဆန်ခါတင်ရွေးချယ်ပြီးဖြစ်ပေမယ့် ကုမ္ပဏီအမည်တွေကိုထုတ်ဖော်ပြောဆိုခြင်းမရှိသေးပါဘူး။ မြန်မာ့မီးရထားသွားလာရေးဌာနအထွေထွေမန်နေဂျာကတော့ ထုတ်ပြန်ကြေငြာပေးသွားမယ်လို့ ပြောပါတယ်။
ဖွံ့ဖြိုးရေးလုပ်ငန်းတွေကိုရန်ကုန်ဘူတာကြီးနယ်မြေအတွင်းမှာရှိတဲ့ ဧက ၆၀ ကျော်မြေနေရာမှာဆောင်ရွက်သွားမှာဖြစ်ပါတယ်။ ရထားလုပ်ငန်းနဲ့ ပက်သက်တဲ့အထပ်မြင့်အဆောက်အအုံတွေ၊ ဟိုတယ်နဲ့ စီးပွားရေးလုပ်ငန်းတွေပါဝင်လာမယ့် စီမံကိန်းဖြစ်တယ်လို့ မြန်မာ့မီးရထားကသတင်းထုတ်ပြန်ထားပါတယ်။
