Asnjë sqarim nuk ka dhënë Beqir Xhilaj pse ka shtënë ndaj bashkëshortes së tij 45-vjeçares Lumturije Xhilaj duke e lënë të vdekur në vend.
Fillimisht ai ka tentuar ta inskenojë ngjarjen si vetëvrasje. Pasi e ka qëlluar për vdekje me një të shtënë me armën e zjarrit tip çifte, gruaja ka mbetur e vdekur në vend e mbështetur në poltron në dhomën e ndenjes, ai pastaj ka marrë armën dhe e ka vendosur pranë saj dhe është ulur përballë duke pirë raki.
Fillimisht mësohet se ka qenë vetë 74-vjeçari që ka njoftuar policinë i cili mësohet të ketë thënë se në shtëpinë e tij ka ndodhur një vetëvrasje.
Oficerët e Krimeve të Rënda në Drejtorinë e Policisë Shkodër fillimisht e kanë marrë në pyetje në shtëpi, ku ky ka mohuar të ketë kryer vrasjen.
Deklaratat kontradiktore të tij kanë çuar në dyshimin se autori i vrasjes është pikërisht 74-vjecari.
