Director's Revelation About Simbu And Nayanthara
ഏറെ വിവാദമുയര്ത്തിയ പ്രണയമായിരുന്നു നയന്താരയും ചിമ്പുവും തമ്മിലുള്ള ബന്ധം. ഇരുവരെയും ബന്ധപ്പെടുത്തി പല തരത്തിലുള്ള കഥകളും പ്രചരിച്ചിരുന്നു. ഇരുവരും വിവാഹിതരാവുമെന്ന് ഒരു ഘട്ടത്തില് പ്രേക്ഷകരും കരുതിയിരുന്നു. എന്നാല് അപ്രതീക്ഷിതമായി ഇരുവരും വഴിപിരിഞ്ഞു. വല്ലന് എന്ന സിനിമയുടെ സഹസംവിധായകനായി പ്രവര്ത്തിച്ച നന്ദു ഇരുവരുടേയും പ്രണയബന്ധത്തെക്കുറിച്ചുള്ള കൂടുതല് കാര്യങ്ങള് അടുത്തിടെ വെളിപ്പെടുത്തിയിരുന്നു. ചിമ്പു സംവിധാനം ചെയ്ത വല്ലഭന്റെ അസോസിയേറ്റ് ഡയറക്ടറായിരുന്നു നന്ദു. ചിമ്പുവിന്റെയും നയന്സിന്റെയും മാമായാണ് താനെന്ന് വരെ ആള്ക്കാര് പറഞ്ഞു പരത്തിയിരുന്നുവെന്ന് നന്ദു പറയുന്നു. ആദ്യമൊക്കെ ആ വിശേഷണത്തില് അരോചകത്വം അനുഭവപ്പെട്ടിരുന്നുവെന്നും അദ്ദേഹം പറയുന്നു. ഒരര്ത്ഥത്തില് പറയുകയാണെങ്കില് എല്ലാ സംവിധായകരും മാമായാണെന്നാണ് തന്റെ അഭിപ്രായമെന്ന് സംവിധായകന് പറയുന്നു. ആദ്യമൊക്കെ ആ വിശേഷണത്തില് നിരാശ തോന്നിയിരുന്നുവെങ്കിലും പിന്നീട് ചിന്തിച്ചപ്പോഴാണ് ആ വിശേഷണത്തില് തെറ്റില്ലെന്ന് തോന്നിയത്. ഒരു ഹീറോയേയും ഹീറോയിനേയും ഉണ്ടാക്കി അവരെ ഒന്നിപ്പിക്കുന്ന ജോലിയാണ് സംവിധായകന് ചെയ്യുന്നത്. നല്ല സിനിമയിലെ നല്ല മാമായാണ് നല്ല സംവിധായകനാകുന്നതെന്നാണ് തന്റെ അഭിപ്രായമെന്നും അദ്ദേഹം പറയുന്നു.