Planifikimi urban është konsideruar si një mjet efikas për të orientuar zhvillimin në interes të mirëqënies së përbashkët. Në këto 27 vite tranzicion ne jemi dëshmitar të ndërtimit dhe të rritjes së qyteteve. Për këto çështje ndodhet në Shqipëri Profesor Roger Caves nga Universiteti i San Diegos nga Kalifornia, specialist i planifikimit urban, me të cilin bisedoi gazetarja e Report TV Rashela Shehu.
Intervista e plotë:
1. Profesor Caves, ju keni qëndruar disa ditë në Shqipëri. Cila është përshtypja juaj për qytetet, Tiranë, Vlorë?
Unë po qëndroj këtu prej 5 ditësh dhe do te largohem nesër në mëngjes. Më së shumti kam udhëtuar me makinë, por kur më është krijuar mundesia kam lëvizur në këmbë nëpër disa nga rrugët e qytetit. Përshtypjet e para më janë krijuar prej trafikut, kushteve të transportit. Rrugët kanë nevojë për rregullime të mëtejshme, sidomos madhësia dhe gjerësia e tyre, shikoja makina te parkuara ne te dyja anet e rruges, njerëz që kalonin rrugën dhe kuptoja që përbënin problem per trafikun. Gjatë udhëtimit për në Vlorë rruga ishte relativisht e mirë, por sapo futeshe në brendesi të qytetit rrugët ngushtoheshin dhe kishte probleme të trafikut.
2. Ju keni udhëtuar në shumë vende në Europë dhe jashtë saj. Si ndryshon organizimi i qyteteve në Europë nga ai në SHBA?
