At a time when Nipah virus scare has gripped the country – and every bat is under scrutiny – this woman from Rajpur village, about 50 km from Ahmedabad, has no plans of being separated from about 400 winged mammals that live in her two-room house.
నిఫా వైరస్.. యావత్ దేశాన్ని వణికిస్తుంది. ఎటువైపు నుంచి దాడి చేస్తుందో తెలియని పరిస్థితి నెలకొంది. దేశంలో నెపా భయం ప్రజల వెన్నుల్లో వణకు పుట్టిస్తోంది. ఈ ప్రాణాంతక అంటువ్యాధి నుంచి ఎలా కాపాడుకోవాలో వైద్యులు గట్టి సూచనలు చేస్తున్నారు.
గబ్బిలాలు, చిలకలు గట్రా తిన్న పళ్లను తినొద్దని, పందులను ముట్టుకోవద్దని చెబుతున్నారు. ఈ వ్యాధికి చికిత్స లేదని, రాకుండా చూసుకోవడం తప్ప ఏమీ చేయలేమని అంటున్నారు.
ప్రాణాలు తీస్తున్న నిఫా వైరస్ అంటేనే భయపడుతున్న వేళ.. గుజరాత్‌లో ఓ మహిళ ఏకంగా 400 గబ్బిలాలను పెంచుకుంటోంది. వినడానికి ఆశ్చర్యంగా అనిపిస్తున్నా.. ఈ గుజరాత్‌ గబ్బిలాల బామ్మ ఇప్పుడు అంతటా హాట్ టాఫిక్ అయ్యింది.
ఆమె పేరు శాంతాబెన్ ప్రజాపతి. గుజరాత్‌ ఫైనాన్షియల్ సిటీ అహ్మదాబాద్‌కు 50 కిలోమీటర్ల దరంలోని రాజ్‌పూర్‌ గ్రామంలో ఉంటోంది. ఆమె తన ఇంట్లో ఏకంగా 400 గబ్బిలాలను పెంచుకుంటోంది. గత పదేళ్ల కాలం నుంచి శాంతాబేన్.. గబ్బిలాలతోటే కాలం గడుపుతోంది. వాటికి అనుగుణంగా ఇంట్లోని గోడలను నిర్మించింది.
గ్రౌండ్, ఫస్ట్ ఫ్లోర్ రెండింటినీ గబ్బిలాలకే కేటాయించింది. ఇక పెంచుకోవడం అంటే కొంత స్థలాన్నే ఇవ్వకుండా.. గబ్బిలాలకు ప్రేమతో ఆహారాన్ని కూడా అందిస్తుంది. ఇటు గబ్బిలాల నుంచి వచ్చే ధూళి, దుమ్ము నుంచి కాపాడుకునేందుకు ఇంట్లో నిత్యం.. వేప, కర్పూరాన్ని మండిస్తుంది.
