పాము మరణం, ఎస్సైను చుట్టుకున్న వివాదం.

A cobra that was worshipped for over 27 days in Durgada village of Gollaprolu mandal, treating it as incarnation of Lord Subrahmanya Swamy was at last Lifeless on Thursday.
తూర్పుగోదావరి జిల్లా గొల్లప్రోలు దుర్గాడలో దాదాపు 26 రోజుల పాటు భక్తులతో పూజలందుకున్న ఓ సర్పం, గురువారం తీవ్ర అస్వస్థతతో కన్నుమూసిన విషయం తెలిసిందే. దీంతో దుర్గాడ వాసులు కన్నీరు మున్నీరుగా విలపించారు. పాము మరణానికి గొల్లప్రోలు ఎస్ఐ శివకృష్ణే కారణమని ఆరోపిస్తూ దుర్గాడ ప్రజలు జాతీయ రహదారిపై బైఠాయించారు. దాదాపు ఏడు గంటలు జాతీయ రహదారిని దిగ్బంధించడంతో పోలీస్ ఉన్నతాధికారులు జోక్యం చేసుకోవాల్సి వచ్చింది. ఎస్ఐను విధుల నుంచి తప్పిస్తున్నట్టు డీఎస్పీ ప్రకటించడం విశేషం. ఓ వస్త్రం తెచ్చి, దానిపై ఏదో మందు వేసి పామును ఎస్ఐ శివకృష్ణే చంపించాడని ప్రజలు ఆరోపిస్తున్నారు. కుబుసం విడిచిన తరువాత కూడా అది ఎక్కడికీ వెళ్లకుండా, తమతోనే ఉందని, ఎస్ఐతో పాటు వచ్చిన మరో వ్యక్తి ఓ వస్త్రాన్ని వదిలి వెళ్లాడని, ఆపై కాసేపటికే పాము మృతి చెందిందని గ్రామస్తులు అంటున్నారు.

#snakeworshippedaslordsubramanya
#snakeindurgada
#EastGodavari
#durgadavillagersforsnake