Përveç Aleancës për Shqiptarët, edhe partitë e tjera kërkojnë alternativa për precizimin e dallimit mes nënshtetësisë dhe përkatësisë etnike në dokumenta. Deputeti i LSDM-së Muhamet Zekiri kërkon që me ligj të potencohet se nënshtetësia nuk përcakton përkatësinë etnike të qytetarëve në vend kurse partia e tij amë planifikon ta mbështesë atë. Kreu i Kuvendit Talat Xhaferi thotë se nevoja e këtyre ndryshimeve do të përcaktohet gjatë debatit.
