FUSHE KRUJE-Një fuoristradë me 8 turistë polakë është aksidentuar pasditen e djeshme rreth orës 18:00 në fshatin Bizë të Ishmit.
Makina me të cilën ata po udhëtonin ka dalë nga rruga dhe ka përfunduar rreth 30 metra në greminë. Si pasoje e aksidentit turistet kanë marrë plagë dhe fraktura të shumta.
Në ndihmë të tyre kanë vajtur forca të shumta policie dhe 4 autoambulanca nga Durrësi.
Por ngjarja nuk është bërë publike nga policia. Të plagosurit janë dërguar në spitalin e Durrësit.
