રાજકોટ: જામકંડોરણામાં લેઉવા પટેલ કન્યા છાત્રાલય ખાતે આજે રવિવારે મુખ્યમંત્રીની હાજરીમાં સર્વ જ્ઞાતિ સમૂહ લગ્ન યોજાયા છે કેબિનેટ મંત્રી જયેશ રાદડિયાની આગેવાનીમાં આ છઠ્ઠો સમૂહલગ્ન સમારોહ છે જેમાં 156 દીકીરીઓના શાહી લગ્ન યોજાઇ રહ્યા છે આ સમૂહ લગ્નમાં 5 હજાર સ્વયંસેવકો કામ કરી રહ્યા છે તમામ દીકરીઓના લગ્ન રીતિ રિવાજ મુજબ કરવામાં આવી રહ્યા છે વિન્ટેજ કારની બગીમાં વરઘોડો નીકળ્યો હતો 50 વીઘાના છાત્રાલયના મેદાનમાં રોશનીથી શણગારાયેલા 156 મંડપ ઉભા કરવામાં આવ્યા છે સમૂહ લગ્નમાં કન્યાઓને તમામ પ્રકારનો કરિયાવર સાથે પાનેતર તેમજ વરરાજાઓને શુટ, બૂટ અને ઘડિયાળ સહિતની સુવિધાઓ આયોજકો તરફથી જ આપવામાં આવી છે આ ઉપરાંત 5 હજાર સ્વયંસેવકોએ સ્વ વિઠ્ઠલભાઇ રાદડિયાના ફોટોવાળા ટી-શર્ટ તેમજ બહેનો માટે ખાસ સાડીનો ડ્રેસ કોડ રાખવામાં આવ્યો છે