சமீபத்தில் வெளியான '90 ml' திரைப்படத்துக்கு பல வகையான விமர்சனங்கள் சமூக வலைதளங்களில் பரவிவரும் நிலையில், இது குறித்து ஓவியாவிடம் பேசினோம். "என் படத்தை யாருமே பார்க்கலைனாகூட பரவாயில்லை. எனக்கு நடிப்பு பிடிச்சிருக்கு, நான் நடிக்கிறேன். அதை பார்க்கப் பிடிக்கலைனா பார்க்காதீங்க... சிம்பிள். மத்தவங்களுக்காக வாழ்றதைவிட நமக்காக வாழ்ந்தாலே போதும். லைஃப் நல்லாயிருக்கும்!" என்று அதிரடியாகப் பேச ஆரம்பித்தார், ஓவியா.