மன்னார்குடி குடும்பத்தினருடன் நெருக்கமாக இருக்கும் அமைச்சர் ஒருவரே அனைத்தையும் கவனித்துக் கொண்டார். அவர் தரப்பினர் மூலம் எம்.எல்.ஏ.க்கள் கண்காணிக்கப்பட்டனர். 11 நாட்கள் ரிசார்ட்டில் தங்கியிருந்த எம்.எல்.ஏ.க்களுக்கும், கட்சியின் மூத்த நிர்வாகிகளுக்கும் காரைக்குடி செட்டிநாடு ஸ்பெலிஸ்ட் மாஸ்டர்கள் மூலம் உணவு தயாரிக்கப்பட்டது. அதோடு சைவ உணவுக்கு என்று தனி மாஸ்டர்கள் இருந்தனர்.
கூவத்தூர்
ரிசார்ட்டில் உள்ள வி.வி.ஐ.பி. டைனிங் ஹாலில் எம்.பி.க்கள், அமைச்சர்கள், எம்.எல்.ஏ.க்கள், கட்சியின் மூத்த நிர்வாகிகள் ஆகியோருக்கு தனி இடமும், இவர்களின் உதவியாளர்கள், டிரைவர்கள் மற்றும் கட்சியினருக்கு தனி இடத்திலும் உணவு சப்ளை செய்யப்பட்டது. வி.வி.ஐ.பி.க்கள் டைனிங் ஹாலில் மற்றவர்களுக்கு அனுமதி அளிக்கப்படவில்லை. இதற்காக டைனிங் ஹால் வாசலில் அமைச்சரின் ஆதரவாளர்கள் காவல் இருந்தனர். அவர்கள் மற்றவர்களை அனுமதிக்கவில்லை.