அரசியல் நெருக்கடிகள் முற்றும்போது, கவனத்தைத் திசைதிருப்ப ஆர்ப்பாட்டமான நிகழ்ச்சிகளை நடத்துவது தமிழக சுகாதாரத் துறை அமைச்சர் விஜயபாஸ்கரின் வழக்கம். அவரது வீடுகள், கல்வி நிறுவனங்கள் மற்றும் குவாரிகளில் 2017-ல் வருமானவரித் துறையினர் சோதனை நடத்தினர். அப்போது தன் சொந்த மாவட்டமான புதுக்கோட்டை முழுவதும் பிரமாண்டமான முறையில் ஜல்லிக்கட்டு போட்டிகளை நடத்தினார் விஜயபாஸ்கர். இப்போது குட்கா விவகாரத்தில் நெருக்கடி முற்றி, அமைச்சர் பதவியிலிருந்து விஜயபாஸ்கர் நீக்கப்படுவார் என்ற செய்தி பரபரத்த நேரத்தில், தன் சொந்தத் தொகுதியில் மக்கள் குறைகேட்புக் கூட்டங்கள் மற்றும் நலத்திட்ட விழாக்களில் அவர் பிஸி.
#Gutkhascam #Gutkha