बापाच्या प्रतिष्ठेसाठी लेकींची काहीही करायची तयारी असते. साताऱ्यात त्याचाच अनुभव आला. राष्ट्रवादीचे माजी आमदार प्रभाकर घार्गे सध्या तुरुंगात आहेत. त्यांना या प्रकरणात गोवलं गेल्याचा आरोप आहे. पण याचवेळी जिल्हा बँकेची निवडणूक लागली. या निवडणुकीच्या काळात घार्गे तुरुंगात होते, पण निवडणूक जिंकण्याचा निर्धार त्यांनी केला होता. प्रतिष्ठा राखण्यासाठी त्यांच्या दोन लेकी मैदानात उतरल्या आणि पुढे जे घडलं त्याचा निकाल सर्वांच्या डोळ्यासमोर आहे.
