కృష్ణా జిల్లాలో సజ్జా రామారావు అనే వ్యక్తి సమీపంలోని బంకుకు వెళ్లి పెట్రోల్ కొట్టించగా.. అందులో నీళ్లు కలిసి రావడంతో.. కొద్ది దూరం వెళ్లగానే బండి ఆగిపోయింది. మెకానిక్ వచ్చి చూసి.. పెట్రోల్‌లో నీళ్లు కలిశాయని చెప్పడంతో.. బండి ట్యాంకులో నుంచి పెట్రోల్‌తోపాటు నీరు వస్తుండటాన్ని వీడియో తీసి దాన్ని బంకు యాజమాన్యానికి చూపించారు.మా బంకులో పెట్రోల్ కొట్టలేదని బుకాయించడంతోపాటు.. బాధితుడిపైనే దాడికి యత్నించారు. అతడి దగ్గర్నుంచి బాటిల్‌ను లాగేసుకున్నారు దీంతో అతడు పోలీసులను తీసుకొని రాగా.. అతడు తమకు ఇచ్చింది ఈ బాటిలేనంటూ.. పెట్రోల్‌తో ఉన్న మరో బాటిల్ చూపించారు. ఇది కాదని అతడు కచ్చితంగా చెప్పడంతో.. సీసీటీవీ ఫుటేజీ చూడగా బాటిల్‌ను మార్చినట్టు తేలింది. నీళ్లు కలిసిన బాటిల్‌ను సైతం బంకు సిబ్బంది పెట్రోల్‌తో నింపేశారని బాధితుడు చెప్పడం గమనార్హం.
