అధిక వడ్డీలు, స్థిరాస్తి వ్యాపారంలో పెట్టుబడుల పేరుతో మోసాలకు పాల్పడిన శిల్పాచౌదరి కేసు పోలీసులకు సవాలుగా మారింది. బాధితుల నుంచి ఫిర్యాదులు అందగానే రంగంలోకి దిగే పోలీసులు ఈ కేసులో జాప్యం చేశారనే ఆరోపణలున్నాయి. శిల్పాచౌదరి తన వద్ద రూ.1.50 కోట్లు అప్పు తీసుకుని తిరిగి అడిగితే బెదిరిస్తున్నట్టు నవంబరు 13న దివ్యారెడ్డి నార్సింగి పోలీసులకు ఫిర్యాదు చేశారు. అదే నెల 26న శిల్పాచౌదరి దంపతులను అరెస్ట్ చేసి జ్యుడీషియల్ రిమాండ్కు తరలించారు. కేసు దర్యాప్తు, ఆధారాల సేకరణకు సమయం ఎక్కువ తీసుకున్నారనే ప్రశ్నకు పోలీసుల నుంచి సమాధానం కరవైంది.
