పోలీసుల తీరుపై దెందలూరు మాజీ ఎమ్మెల్యే చింతమనేని ప్రభాకర్ అసంతృప్తి వ్యక్తం చేశారు. నెలలో ఎన్నిసార్లు వస్తారయ్యా మా ఇంటికి.. మా ఇళ్లల్లో మేం బతుకుతుంటే.. మీరు మమ్మల్ని ఆపడమేంటంటూ పోలీసుల తీరుని ప్రశ్నించారు. కావాలంటే ఇక్కడే ఉండండి మాతో పాటూ మీకూ భోజనాలు పెడతామంటూ తనదైన శైలిలో చింతమనేని మాట్లాడారు. "ఎందుకు ఆపుతారు.. ఏం తప్పు చేశారని ఆపుతారు.. ఎక్కడైనా ఉందా ఇదీ.. మా ఇళ్లల్లో మేం బతుకుతుంటే.. మా పనులు మేం చేసుకుంటుంటే మమ్మల్ని ఆపడమేంటండీ.. మీకు వేరే పనుల్లేవా.. మా ఇంటికి ఇలా రావడం మీ ఉద్యోగ ధర్మం కాదు.. మీ ఉద్యోగ ధర్మం ఇదే అయితే.. ఇక్కడే ఉండండి అందరూ మీక్కూడా భోజనం పెడతా.. నెలకి ఎన్నిసార్లు వస్తారు మా ఇళ్లకీ.. అరెస్ట్ చేస్తారా వ్యాన్ ఎక్కుతా తీసుకెళ్లండి" అంటూ పోలీసుల తీరుపై చింతమనేని ఆగ్రహం వ్యక్తం చేశారు.
