सोनिया गांधींचे जावई सिद्धीविनायकाच्या चरणी

#PriyankaGandhi #Congress #SiddhivinayakTemple #RobertVadra #MaharashtraTimes
काँग्रेसच्या नेत्या प्रियांका गांधी-वाड्रा यांचे पती रॉबर्ट वाड्रा यांनी शुक्रवारी मुंबईतील सिद्धिविनायक मंदिराला भेट देऊन बाप्पाचे दर्शन घेतले. हा करोनाचा काळ आहे. अशा वेळी मी नेहमी अशा ठिकाणी जात असतो आणि देवाच्या चरणी डोकं ठेवून लोकांसाठी प्रार्थना करतो,' अशी प्रतिक्रिया वाड्रा यांनी दिली. दर्शन घेतल्यानंतर त्यांनी माध्यमांना प्रतिक्रिया देताना प्रियांका गांधी यांचा उल्लेख केला. प्रियांका या नीडर राजकीय नेत्या असून, त्या खूपच मेहनत घेत आहेत. विशेषकरून, उत्तर प्रदेश आणि पंजाबमध्ये बदल नक्कीच घडून येईल, असा विश्वास त्यांनी व्यक्त केला. यावेळी रॉबर्ट वाड्रा यांनी भाजप नेते आणि मंत्री अजय मिश्रा टेनी यांच्यावरही निशाणा साधला.अजय मिश्रा यांना तात्काळ पदावरून हटवले पाहिजे, तेव्हाच मृतांच्या कुटुंबीय, नातेवाईकांचा सरकार आणि पोलिसांवरील विश्वास वाढेल, असे ते म्हणाले.