TNSF సోషల్ మీడియా చీఫ్ కోఆర్డినేటర్ సంతోష్ అరెస్ట్ వ్యవహారం దుమారం రేపింది. తూర్పుగోదావరి జిల్లాకు చెందిన సంతోష్ ముఖ్యమంత్రి వైఎస్ జగన్మోహన్రెడ్డి మాట్లాడిన వీడియోను మార్ఫింగ్ చేసి అసభ్యకరమైన పదజాలంతో తప్పుడు ప్రచారం చేసినందుకు అదుపులోకి తీసుకున్నట్లు సీఐడీ తెలిపింది. డబ్బుల కోసం, ఎవరైనా చెబితే.. ప్రభుత్వం, మహిళలు, ఉన్నత స్థానాల్లోని వారిని కించపరిచేలా ప్రచారం చేస్తే కఠిన చర్యలు తీసుకుంటామన్నారు. ఈ వ్యవహారంపై టీడీపీ జాతీయ ప్రధాన కార్యదర్శి లోకేష్ కూడా స్పందించారు.. సీఐడీ తీరును తప్పుబట్టారు.
సంతోష్ ఉన్నట్టుండి ట్విస్ట్ ఇచ్చారు. సీఎం జగన్కు వ్యతిరేకంగా అసభ్యంగా పోస్టులను సోషల్ మీడియాలో పెట్టమని టీడీపీ తనకు నెలనెలా డబ్బులిస్తోందని చెప్పారు. అందుకే అలాంటి పోస్టులను యూట్యూబ్ ఛానల్స్లో పోస్టు చేస్తున్నట్లు చెప్పుకొచ్చారు. తన నేరాన్ని అంగీకరిస్తూ చేసిన వీడియోను సీఐడీ అధికారులు వెబ్సైట్లో పొందుపరిచారు.
