#GulabraoPatil #ActressHemaMalini #MaharashtraTimes
मंत्री गुलाबराव पाटील यांनी जळगावच्या रस्त्यांची तुलना हेमा मालिनीच्या गालांशी केली होती. आता मात्र गुलाबराव पाटील यांना महिला आयोगाच्या अध्यक्षा रुपाली चाकणकर यांच्या दणक्यानंतर जाहीर माफी मागण्याची वेळ आली आहे. धुळे जिल्ह्यातील साक्री येथे प्रचार सभेला आले असताना मंत्री गुलाबराव पाटील यांनी केलेल्या वक्तव्याबद्दल दिलगिरी व्यक्त करत माफी मागितली आहे. आपल्या वक्तव्याचा विपर्यास करण्यात आल्याचा दावा पाटील यांनी केलाय. या वक्तव्यामुळे जर कोणाच्या भावना दुखावल्या असतील तर आपण माफी मागत असल्याचे त्यांनी सांगितले. हेमा मालिनीच्या गालांशी तुलना ओघात बोलताना झाल्याचे ही त्यांनी स्पष्ट केले. यावेळी मात्र रुपाली चाकणकर यांच्याबाबत त्यांनी बोलताना सावध भूमिका घेतली.
