#StockMarket #Sensex #Nifty #ShareMarket #MaharashtraTimes
भांडवली बाजारात आज सोमवारच्या सकाळच्या सत्रात झालेल्या पडझडीतून दोन्ही निर्देशांक सावरले आहेत. सेन्सेक्स ४५० अंकांच्या घसरणीतून सावरला असून तो ६ अंकांच्या किरकोळ वाढीसह ट्रेड करत आहे. राष्ट्रीय शेअर बाजाराचा निफ्टी १७००२ अंकावर स्थिर आहे. आज सकाळी बाजार सुरु होताच गुंतवणूकदारांनी जोरदार विक्री सुरु केली. बँका, वित्तीय सेवा , ऑटो, एफएमसीजी या क्षेत्रात विक्रीचा मारा दिसून आला.
सेन्सेक्स मंचावरील ३० पैकी २७ शेअर घसरले.ज्यात बँकांचे शेअर आघाडीवर होते. रिझर्व्ह बँकेने आरबीएल बँकेवर केलेल्या कारवाईचे पडसाद आज उमटले. आरबीएल बँकेचा शेअर १० टक्के गडगडला होता.
