बॉलिवूड अभिनेत्री माधुरी दीक्षित स्टारर 'द फेम गेम'चा धमाकेदार ट्रेलर रिलीज झाला आहे. 'द फेम गेम'च्या ट्रेलरमध्ये माधुरी दीक्षित या स्टारडम आणि झगमगाटी विश्वामागचं गडद सत्य दाखवताना दिसत आहे. 'द फेम गेम'मध्ये माधुरी दीक्षित अनामिका आनंदची भूमिका साकारत आहे, जी व्यवसायाने अभिनेत्री आहे. यामधून माधुरी दीक्षित डिजिटल जगात पदार्पण करणार असून ही सिरिज 25 फेब्रुवारीपासून नेटफ्लिक्सवर पाहता येणार आहे. या सिरीजच्या धमाकेदार ट्रेलर रिलीजला प्रसिद्ध दिग्दर्शक करण जोहरने हजेरी लावली. यानिमित्ताने प्रसिद्ध दिग्दर्शक करण जोहरचा हटके आणि अनोखा अंदाज चाहत्यांना पाहायला मिळाला.
