కోతుల బెడద నుండి తన పంటను రక్షించుకునేందుకు ఓ రైతన్న చేసిన ఆలోచన అందరినీ ఆకట్టుకుంటోంది. మహబూబాబాద్ జిల్లా కేసముధ్రం మండలం తాళ్ళపూసపల్లి గ్రామానికి చెందిన రైతు వెంకన్నకు 10 ఎకరాల వ్యవసాయ భూమి ఉంది. అందులో మొక్కజొన్న పంట సాగుచేసుకుంటున్నాడు, పంట చేతికి వచ్చే సమయంలో కోతుల బెడద ఎక్కువగా ఉండి పంటను నష్టపరచకుండా మైక్ సిస్టం ఏర్పాటుచేసుకున్నాడు. దానిలో వాయిస్ రికార్డింగ్ పెట్టి కోతులను పంట చేనుకు దూరంగా వెల్లగొడుతున్నాడు. గతంలో కోతులను తరమడానికి కుటుంబ సభ్యులందరూ ఉదయం చేను వద్ద కాపు కాసేశారు. దీంతో చాలా సమయం వృథా అయ్యేది. అయితే ఇప్పుడు రూ.వెయ్యితో కొన్న మైక్ సెట్‌ను చెట్టుకు వేలాడదీసి శబ్ధాలు చేస్తుండటంతో కోతులు అటువైపుగా రావడం లేదని వెంకన్న చెబుతున్నాడు. ఈ అన్నదాత ఆలోచనని పలువురు మెచ్చుకుంటున్నారు.
