கோவையில் திமுக இளைஞரணி தலைவரும், நடிகரும் சட்டமன்ற உறுப்பினருமான உதயநிதி ஸ்டாலின் நடிப்பில் நெஞ்சுக்கு நீதி திரைப்படம் இன்று வெளியாகி உள்ளது. இத்திரைப்படத்தை அருண்ராஜா காமராஜ் இயக்கியுள்ளர். திமுகவினர் மற்றும் உதயநிதி இரசிகர்கள் மத்தியில் நல்ல வரவேற்பை பெற்றுள்ளது. இதையடுத்து மாவட்டத்தில் திரைப்படம் வெற்றியடைய சுவரொட்டிகள் ஒட்டியுள்ளனர். அதில் அனைவரையும் கவரும் விதத்தில் சமூக நீதி பேசும் சின்னவரின் நெஞ்சுக்கு நீதி என்ற வசனத்துடன் இத்திரைப்படம் வெற்றியடைய போஸ்டர்கள் ஒட்டியுள்ளனர். மேலும் கலைஞர் ஐயாவின் பராசக்தி, தளபதியாரின் ஒரே ரத்தம் வரிசையில் என்ற வசனங்கள் இடம்பெற்றுள்ளது. இந்த போஸ்டர் மாநகர் முழுவதும் திமுகவினரும் உதயநிதி இரசிகர் மன்றம் சார்பாக ஒட்டப்பட்டுள்ளது.
