ಸಿದ್ದರಾಮಯ್ಯ ಕಾರ್ ಮೇಲೆ ಮೊಟ್ಟೆ ಎಸೆತ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್ ಸಿಕ್ಕಿದೆ. ಮೊಟ್ಟೆ ಎಸೆದಿದ್ದು ಬಿಜೆಪಿಯವರು-ಆರ್‍ಎಸ್ಸಿಗರು ಎಂದು ಕಾಂಗ್ರೆಸ್ ಆರೋಪ ಮಾಡ್ತಾ ಇದೆ. ಆದ್ರೆ, ಬಿಜೆಪಿಯವರು ನಿನ್ನೆಯಿಂದ ಇದನ್ನು ತಳ್ಳಿ ಹಾಕುತ್ತಲೇ ಬಂದಿದ್ದಾರೆ. ಈ ಗೊಂದಲದ ನಡ್ವೆ ಮೊಟ್ಟೆ ತೂರಿದ ಸಂಪತ್ ಯಾರು ಎಂಬ ಬಗ್ಗೆ ವಿಚಾರಣೆ ನಡೆದಿತ್ತು. ಸೋಮವಾರಪೇಟೆಯ ಎರಡು ವರ್ಷಗಳ ಹಿಂದೆ ಕಾಂಗ್ರೆಸ್ ಬಿಟ್ಟು ಬಿಜೆಪಿ ಸೇರ್ಪಡೆಗೊಂಡಿದ್ರು ಎನ್ನಲಾಗಿತ್ತು. ಇದಕ್ಕೆ ಪೂರಕವಾಗಿ ಬಿಜೆಪಿ ಶಾಸಕ ಅಪ್ಪಚ್ಚುರಂಜನ್ ಜೊತೆಗೆ ಸಂಪತ್ ಇದ್ದ ಫೋಟೋಗಳು ವೈರಲ್ ಆಗಿದ್ವು. ಮೊಟ್ಟೆ ತೂರಿದ ವೇಳೆ ಪೊಲೀಸರು ಬಂಧಿಸಿದಾಗ ಅಪ್ಪಚ್ಚುರಂಜನ್ ಠಾಣೆಗೆ ಹೋಗಿ ಜಾಮೀನು ಕೂಡ ಕೊಡಿಸಿದ್ರು. ಆದ್ರೂ ಆತ ನಮ್ಮವನಲ್ಲ ಎಂದೇ ಅಪ್ಪಚ್ಚುರಂಜನ್ ಪ್ರತಿಪಾದಿಸಿದ್ರು. ರಾಮನವಮಿ ವೇಳೆ ಫೋಟೋ ತೆಗೆಸಿಕೊಂಡಿದ್ದ ಫೋಟೋ ಅದು ಎಂದು ಸ್ಪಷ್ಟನೆ ಕೊಟ್ರು. ಈ ಬೆನ್ನಲ್ಲೇ, ಸಂಪತ್ ಕೂಡ ವಿಡಿಯೋ ಬಿಡುಗಡೆ ಮಾಡಿ ನಾನು ಕಾಂಗ್ರೆಸ್ಸಿಗ ಎಂದು ಹೇಳಿಕೊಂಡಿದ್ದಾರೆ. ಅದಕ್ಕೂ ಮೊದಲು ಹಿಂದೂ ಎಂದಿದ್ದಾರೆ. ಸಿದ್ದರಾಮಯ್ಯರ ಹಿಂದೂ ದ್ವೇಷಿ ಹೇಳಿಕೆ ಖಂಡಿಸಿ ತಾನು ಈ ಕೆಲಸ ಮಾಡಿದ್ದಾಗಿ ಹೇಳಿಕೊಂಡಿದ್ದಾನೆ. ಆದ್ರೆ, ಕಾಂಗ್ರೆಸ್ ಈ ಆರೋಪವನ್ನು ತಳ್ಳಿ ಹಾಕಿದೆ.ಅಪ್ಪಚ್ಚು-ಸಂಪತ್ ಜೊತೆಗಿರುವ ಮತ್ತಷ್ಟು ಫೋಟೋ ರಿಲೀಸ್ ಮಾಡಿದ ಕಾಂಗ್ರೆಸ್, ಆ ಸಂಪತ್ ನಮ್ಮವನಲ್ಲ ಎಂದು ಪ್ರತಿಪಾದಿಸಿದೆ. ಸಿದ್ದರಾಮಯ್ಯ ಟ್ವೀಟ್ ಮಾಡಿ, ಆಪರೇಷನ್ ಕಮಲ ಅಂದ್ರೆ ಶಾಸಕರಿಗೆ ಅಂತಾ ತಿಳಿದುಕೊಂಡಿದ್ವಿ. ಈಗ ಪುಂಡರ ಆಪರೇಷನ್ ಕಮಲವನ್ನು ಕೂಡ ಬಿಜೆಪಿ ಮಾಡ್ತಿರೋದು ಸಾಬೀತಾಗಿದೆ. ಅಪ್ಪಚ್ಚು ರಂಜನ್ ರಾತ್ರೋರಾತ್ರಿ ಏಕೆ ಬಿಡಿಸಿಕೊಂಡು ಬರಬೇಕಿತ್ತು. ಕಾಂಗ್ರೆಸ್ಸಿಗನೆಂದು ಹೇಳಿಕೊಂಡ್ರೇ ಮಾತ್ರ, ಬಿಡಿಸ್ತೀವಿ ಎಂದು ಷರತ್ತು ವಿಧಿಸಿ ಬಿಡಿಸಿದ್ರಾ ಎಂಬ ಪ್ರಶ್ನಿಸಿದ್ದಾರೆ. ಬಿಜೆಪಿಯ ಇಂತಹ ನಾಟಕಗಳೆಲ್ಲಾ ಹಳತಾಗಿವೆ. ಮೊಟ್ಟೆ ಎಸೆದವ ಕಾಂಗ್ರೆಸ್ ಪಕ್ಷದವನಾಗಿದ್ರೆ ಅವನನ್ನು ಮೊದಲು ಜೈಲಿಗೆ ಕಳಿಸಿ.. ನಿಮಗ್ಯಾಕೆ ಅವನ ರಕ್ಷಣೆಯ ಉಸಾಬರಿ ಎಂದು ಬಿಜೆಪಿಯನ್ನು ಸಿದ್ದರಾಮಯ್ಯ ಪ್ರಶ್ನಿಸಿದ್ದಾರೆ. ಇತ್ತ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ರವಿ ಕುಮಾರ್ ಮಾತನಾಡ್ತಾ, ಇಂತಹ ಟೂಲ್‍ಕಿಟ್ ಇನ್ನೆಷ್ಟಿವೆ.. ನಿಮ್ಮ ಕಾರ್ಯಕರ್ತನ ಕೃತ್ಯವನ್ನು ನಮ್ಮ ತಲೆಗೆ ಕಟ್ತೀರಾ ಎಂದು ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಈ ಮಧ್ಯೆ, ಗೃಹ ಸಚಿವರ ಮೇಲೆ ಮೊಟ್ಟೆ ಎಸೀತಿವಿ ಎಂದು ಫೇಸ್‍ಬುಕ್‍ನಲ್ಲಿ ಬರೆದುಕೊಂಡಿದ್ದ ಶಿವಮೊಗ್ಗದ ಕಾಂಗ್ರೆಸ್ ಮತ್ತು ಶ್ರೀರಾಮಸೇನೆಯ ಇಬ್ಬರನ್ನು ಪೊಲಿಸರು ವಶಕ್ಕೆ ಪಡೆದಿದ್ದಾರೆ.
#publictv #bigbulletin
