கிறிஸ்துமஸ் மற்றும் புத்தாண்டுப் பண்டிகைக் காலத்தை வரவேற்கும் விதமாக, திருச்சிராப்பள்ளியில் உள்ள நட்சத்திர ஹோட்டலான 'கோர்ட்யார்ட் பை மேரியட்' (Courtyard by Marriott) சார்பில் பாரம்பரிய கேக் மிக்ஸிங் (Cake-Mixing) விழா இன்று (நவம்பர் 15) உற்சாகமாக நடைபெற்றது. இந்நிகழ்வு குறித்துப் பேசிய ஹோட்டலின் தலைமைச் சமையல் கலைஞர் (Executive Chef) சுரேஷ், திருச்சியில் இவர்களது ஹோட்டல் தொடங்கப்பட்டு 4 ஆண்டுகள் நிறைவடைந்து 5-வது ஆண்டில் அடியெடுத்து வைப்பதைச் சிறப்பிக்கும் வகையில் இந்த விழா நடத்தப்படுவதாகத் தெரிவித்தார். 150 கிலோ எடையுள்ள கிறிஸ்துமஸ் பிளம் கேக் (Plum Cake) தயாரிப்பதற்காக, கிரான்பெர்ரி, புளூபெர்ரி, பிளாக்பெர்ரி, உலர் திராட்சை, முந்திரி, பாதாம், வால்நட் உள்ளிட்ட சுமார் 22 வகையான உலர் பழங்கள் (Dry Fruits) மற்றும் நறுமணப் பொருட்கள் ஆகியவை பிராந்தி, விஸ்கி போன்ற உயர்தர பானங்களுடன் சேர்த்து ஊறவைக்கப்பட்டுள்ளன. ஐரோப்பிய முறையில் சுமார் 20 நாட்கள் ஊறவைக்கப்படும் இந்தக் கலவையைக் கொண்டு தயாரிக்கப்படும் சுவையான கிறிஸ்துமஸ் பிளம் கேக் மற்றும் இனிப்பு வகைகள், டிசம்பர் முதல் வாரத்திலிருந்து பொதுமக்கள் விற்பனைக்குக் கொண்டுவரப்படும் என அவர் கூறினார்.
For More Local News, Breaking News, Kollywood Movie News & updates and videos from Tamil Nadu, Puducherry, India, and around the world in Tamil Be a Part of Asianet News Network. For More, visit ►►https://tamil.asianetnews.com