قضايا المصريين فى الخارج ملهاش نهايه ...المصريين يشتغلوا ويتعبوا ويسافروا علشان يحققوا حياه كريمه وفرصة عمل مش موجوده فى بلدهم وفى النهايه يتعرضوا لمخاطر ومصاعب ويمكن اهانه ومفيش حد يهتم بيهم وبمشاكلهم النهارده القضيه قضيه المصريين فى بلغاريا اللى بنا وبينها مواثيق دوليه بتحكم علاقتنا بيها وبغيرها من الدول .. وكمان في اتفاقية تبادل تجارة وفتح أبواب الاستثمار وتبادل الاستثمارات بين البلدين
هدفنا اننا نكشف النقاب عن حقايق أخفتها اجهزه النظام السابق وما اهتمتش بيها المشكله مش مشكله ناس بتتعرض لمصاعب خارج بلدها لكن المشكله مشكله ..حق المصريين انهم يتصانوا جوه وبره بلدهم احنا قمنا بثوره على كل شىء كان هدفها الكرامه الانسانيه معانا في الاستديو المهندس وائل ندا و العميد محمد فودة لتفاصيل أكتر عن أزمة المصريين في بلغاريا اللي اتكلم عنها البرتغاليين أنفسهم في الاعلام ونساها المصريين ..اهلا بيكم معانا في ستديو صباح أون
ارفع راسك فوق انت مصري مش مجرد شعار لكنه حلم و امل يتحقق بسلوكيات المصريين في الخارج و باداء دبلوماسي من سفرائنا و قنصلياتنا علشان يبقى المواطن المصري مواطن ليه حق و ناس تدوره له عليه
