తెలుగులో యంగ్ టైగర్ ఎన్టీఆర్ హోస్ట్‌గా వ్యవహరించిన తొలి రియాలిటీ షో బిగ్బాస్ బుల్లితెర ప్రేక్షకులను విశేషంగా ఆకర్షించిన సంగతి తెలిసిందే. 70 రోజులపాటు రసవత్తరంగా సాగిన ఈ షోలో టాలీవుడ్ నటుడు శివ బాలాజీ విజేతగా నిలిచిన సంగతి తెలిసిందే. ఇటీవల ఈ షో ముగియడంతో ప్రేక్షకులు కొంత నిరాశపడిన విషయం తెలిసిందే. అయితే చాలా రోజుల తర్వాత గంభీరమైన బిగ్బాస్ గొంతు మళ్లీ వినిపించడంతో శివ బాలాజీ కొత్త అనుభూతికి గురయ్యారు. శివబాలాజీ ఇంటికి వచ్చి బిగ్బాస్ హడావిడి చేసిన వీడియో ప్రస్తుతం యూట్యూబ్‌లో హల్‌చల్ చేస్తున్నది..
