According to a latest report from new movie Hello under director Vikram K Kumar’s crew, Akhil Interference in Shooting.
మొదటి సినిమా సమయం లోనే అఖిల్ అవసరమైన దానికంటే ఎక్కువ జోక్యం చేసుకుంటున్నాడనే టాక్ వచ్చింది. మొదటిసినిమాకే వీవీ వినాయక్ లాంటి స్టార్ డైరెక్టర్ని పెట్టుకొని కూడా ప్రతీదానిలో వేలుపెట్టి చికాకు పెట్టాడనే టాక్ బాగానే బయటకి వచ్చింది. అసలు మొదట్లోనే ఆ కథ వద్దు అని చాలామందే సలహాలిచ్చినా, అదే కథ చేస్తానని పట్టుబట్టి మరీ చేసాడు. అదీ దర్శకున్ని బాగానే చికాకుపెట్టాడని, చాలావరకూ నిర్ణయాలు తానే తీసుకున్నాదనీ చెప్పుకున్నారు...
అంతా చేస్తే ఆ సినిమా కాస్త దారుణమైన ఫ్లాప్ ఇచ్చి అఖిల్ కి బోణీ సినిమానే డిజాస్టర్ అయిపోయింది. ఆ దెబ్బకి రెండో సినిమా సెట్ చేయటానికి నాగార్జునకి చాలా సమయం పట్టింది. అటూ ఇటూ పడి ఇద్దరుముగ్గురు పేర్లు మారిపోయాక "మనం" తీసిన విక్రమ్ కుమార్తో హలో చిత్రాన్ని పట్టాలెక్కిస్తే ఇందులో కూడా అఖిల్ జోక్యం ఎక్కువగా వుందని పుకార్లు వినిపిస్తున్నాయి.
పాటలు ఓకే చేయడం దగ్గర్నుంచి ఫైట్లు ఎలా వుండాలనే దాని వరకు అన్నిట్లో అఖిల్ సలహాలు ఇస్తున్నాడట. ఒక విజన్తో పని చేసే విక్రమ్ కుమార్కి ఇది నచ్చడం లేదని, ఇప్పటికే నాగార్జునకి కంప్లయింట్ కూడా చేసాడని పుకార్లు వినిపిస్తున్నాయి. డిసెంబర్ 22న విడుదల చేయడానికి నాగార్జున ఫిక్స్ చేయడంతో హలో పనులు వేగంగా జరుగుతున్నాయి.