• 9 years ago
The recent controversy between producer Michael Rayappan and Simbu has been the talk of Kollywood over the past few days.

తమిళ నటుడు శింబు, అంబనవన్ అసరథావన్ అదంగథవన్ చిత్ర నిర్మాత మైఖేల్ రాయప్పన్‌ వివాదం గత కొద్దిరోజులుగా జరుగుతూనే ఉంది. శింబు ప్రవర్తన కారణంగా తాను 18 కోట్లు నష్టపోయానని నిర్మాత మైఖేల్ ఆరోపించారు. వృత్తిపట్ల అంకితభావం లేని శింబు లాంటి వ్యక్తిని ఇంత వరకు చూడలేదు అని మైఖేల్ ఆరోపించిన సంగతి తెలిసిందే. ఈ వ్యవహారంలో తమిళ నిర్మాతల మండలి శింబుపై కఠిన చర్యలకు సిద్ధమవుతున్నది. అయితే వివాదాన్ని ప్రముఖ దర్శకుడు మణిరత్నం దృష్టికి తీసుకోగా ఆయన మండలి సభ్యులకు షాకిచ్చారట.
నిర్మాతల ఫిర్యాదు నేపథ్యంలో శింబుకు ఫోన్ చేసి మణిరత్నం చర్చించారట. అంతేకాకుండా షూటింగ్‌కు సమయానికి రావాలి. సినిమా పూర్తయ్యేంత వరకు ఎలాంటి షరతులు లేకుండా సహకరించాలి అని శింబుకు మణిరత్నం స్పష్టం చేశారట.
తనను నుంచి ఎలాంటి ఇబ్బంది ఉండదు. నా నుంచి పూర్తి సహకారం ఉంటుంది. ఆలస్యంగా రావడం, ఇతర డిమాండ్లు నావైపు నుంచి ఉండవు అని మణిరత్నానికి శింబు వివరణ ఇచ్చారనేది ఇన్‌సైడ్ టాక్. శింబు వివరణతో సంతృప్తి చెందిన మణిరత్నం.. శింబును సినిమా నుంచి తొలగించేది లేదు అని నిర్మాతల మండలికి స్పష్టం చేశారట.

Recommended