Powerstar Pawan Kalyan's next film Agnyaathavaasi team is in busy planning to release for his film. At this moment Telangana police rejected permission for premier shows
అనుమతులన్నీ వచ్చేశాయి ఇక విడుదలే ఆలస్యం అనుకుంటున్న తరుణంలో 'అజ్ఞాతవాసి'కి తెలంగాణ రాష్ట్ర పోలీసులు పెద్ద షాక్ ఇచ్చారు. తొక్కిసలాట జరిగే ప్రమాదం ఉందన్న కారణంతో 'అజ్ఞాతవాసి' ప్రీమియర్ 'షో'లకు అనుమతి నిరాకరించారు. దీంతో 'అజ్ఞాతవాసి' నిర్మాతలు ఆందోళనలో పడ్డారు. ఏపీ ప్రభుత్వం అర్థరాత్రి ఒంటిగంట నుంచి ఉదయం 10 గంటల మధ్య ప్రత్యేక 'షో'లు వేసేందుకు అనుమతినివ్వడంతో ఇక్కడ కూడా అనుమతులు వస్తాయనే భావించారు. కానీ చివరి నిమిషంలో గట్టి ఎదురుదెబ్బ తగిలింది.
అర్థరాత్రి తర్వాత ప్రీమియర్ 'షో'లకు తెలంగాణ పోలీసులు అనుమతినివ్వలేదు. దీంతో మల్లిఖార్జున, భ్రమరాంబ, ఆర్కే థియేటర్లలో అర్థరాత్రి తర్వాత ప్రీమియర్ 'షో'లు రద్దయ్యాయి. పోలీసులు అనుమతి నిరాకరించటంతో రేపు ఉదయం 8గం.కు తొలి షో పడనుంది. ప్రీమియర్ 'షో'ల కోసం చిత్ర నిర్మాతలు, డిస్ట్రిబ్యూటర్లు అన్ని ఏర్పాట్లు చేసుకుంటున్నవేళ.. అనుమతుల నిరాకరణ పెద్ద షాక్ అనే చెప్పాలి.
'అజ్ఞాతవాసి' బెనిఫిట్, ప్రీమియర్ 'షో'ల అనుమతి కోసమే ఇటీవల పవన్ కల్యాణ్ స్వయంగా తెలంగాణ సీఎం కేసీఆర్‌ను కలిశారు.
మరోవైపు దర్శకుడు త్రివిక్రమ్ శ్రీనివాస్, నిర్మాత చినబాబు కూడా సినిమాటోగ్రఫీ మంత్రి తలసాని శ్రీనివాస్ యాదవ్‌ను ప్రత్యేకంగా కలిశారు. అనుమతులు ఇప్పించినందుకు కృతజ్ఞతలు చెప్పడంతో పాటు.. స్పెషల్ 'షో' ఏర్పాటు చేస్తామని రమ్మని ఆహ్వానించారు. మంత్రితో పాటు సీఎం కేసీఆర్‌ను కూడా రావాలని కోరారు. అంతా సెట్ అయిందని, ఇక థియేటర్లలో బొమ్మ పడటమే ఆలస్యం అని అనుకున్నారు.
