नोटा बदलण्यासाठी बँकांच्या रांगेमध्ये वयोवृद्ध नागरिक देखील मोठ्या प्रमाणात उभे राहत आहेत, यातील काही जण अशिक्षित असल्याने बँकांमधील नोटा बदलण्याची प्रक्रियेत त्यांना अडचण येत आहे तसेच शारीरिक त्रासदेखील होत असल्याचे समोर आले. याच पार्श्वभूमीवर गडचिरोलीमधील प्लॅटिनम ज्युबिली हायस्कूल तसेच कनिष्ठ महाविद्यालायचे विद्यार्थ्यांनी वयोवृद्ध नागरिकांच्या मदतीसाठी पुढाकार घेतला आहे. पावती भरण्यापासून ते फॉर्म भरण्यापर्यंत सर्व प्रकारची मदत हे विद्यार्थी वयोवृद्ध नागरिकांना करत आहे.
