[زمین کے خزانے] آپ ﷺ کو زمین کے خزانے دیے گئے

آپ ﷺ کو زمین کے خزانے دیے گئے ،شہروں کی کنجیاں دی گئیں اور مال غنیمت آپ ﷺ کے لیے حلال کیا گیا
لیکن ان میں سے کسی پر بھی آپ ﷺ نے اپنے آپ کو ترجیح نہ دی اور نہ ان میں سے ایک درہم بھی اپنے لیے روکا
مستند حوالہ: الشفا بتعریف حقوق المصطفیٰ ﷺ (قاضی عیاض مالکی اندلسیؒ)، نویں فصل
👇 کمنٹ میں انتہائی ادب سے سبحان اللہ لکھیں اور چینل سبسکرائب کریں!

نویں فصل | ضروریات و مقتضیات حیات کی قسموں کے بیان میں (حصہ 2)

جب یہ بات معلوم ہوگئی کہ فی نفسہ مال میں کوئی تعریف اور فضیلت نہیں ہے بلکہ صرف اس لیے اس کی تعریف ہے، وہ دوسروں کو دیتا ہے اور اس کے مصارف پہ خرچ کرتا ہے، لہذا مال کا جمع کرنے والا اگر اس کی جگہ پر خرچ نہ کرے اور اس کو اس کے راستوں پر صرف نہ کرے تو وہ درحقیقت غنی ( مالدار) نہیں اور نہ وہ مال اس کو بے پروا بنا تا ہے اور نہ یہ بات کسی عقل مند کے نزدیک تعریف کے لائق ہے بلکہ وہ دائمی فقیر ہے ( کہ ہر وقت مال کی حرص میں محتاج ہے) اور وہ اپنی کسی غرض تک نہ پہنچے گا کیونکہ جو مال اب اس کے ہاتھ میں ہے جو اس کو اغراض تک پہنچانے والا تھا وہ اس پر تسلط و غلبہ نہیں رکھتا ( کہ وہ اس کو خرچ کرے) وہ ایسا شخص ہو گیا جو کسی غیر کے خزانہ کا محافظ ونگہبان ہو اور وہ مال وخزانہ اس کا اپنا نہ ہو ، گویا کہ اس کے ہاتھ میں اس سے کچھ بھی نہیں ہے اور مال کا خرچ کرنے والا بھر پورغنی ہے کیونکہ اس نے مال کے فوائد حاصل کیے ہیں ، اگر چہ اس کے ہاتھ میں مال میں سے کچھ نہ بچے۔

اب ذرا ہمارے نبی حضور ﷺ کی عادت کریمہ اور سیرت مبارکہ پر نظر ڈالو اور مال میں آپ ﷺکے اخلاق حسنہ پر غور کر وتم حضور ﷺ کو اس حال میں پاؤ گے کہ آپ ﷺ کو زمین کے خزانے دیے گئے ،شہروں کی کنجیاں دی گئیں اور مال غنیمت آپ ﷺ کے لیے حلال کیا گیا، جو آپ ﷺ سے پہلے کسی نبی پر حلال نہ تھا،حضور ﷺ کی حیات ظاہری میں ملک حجاز ، یمن اور تمام جزیرۂ عرب اور جو اس کے قریب شام و عراق وغیرہ تھا فتح ہوئے، ان کا خمس ( پانچواں حصہ) اور جزیہ ہے اور صدقہ اتنا لایا گیا کہ اور بادشاہوں کے لیے اس سے بہت تھوڑا آتا تھا، پھر مختلف ملکوں کے بادشاہ آپ ﷺ کی خدمت میں تحفہ جات بھیجتے لیکن ان میں سے کسی پر بھی آپ ﷺ نے اپنے آپ کو ترجیح نہ دی اور نہ ان میں سے ایک درہم بھی اپنے لیے روکا بلکہ ان تمام کوان کے مصارف کی جگہوں پر خرچ فرمادیتے اور دوسروں کو غنی بنا دیتے اور مسلمانوں کی طاقت اس سے بناتے۔

کتاب کا مکمل نام: الشفا بتعریف حقوق المصطفیٰ ﷺ
مختصر نام: الشفا شریف
مصنف: ابوالفضل قاضی عیاض مالکی اندلسی رحمۃ اللہ علیہ
مترجم: حضرت سید مفتی غلام معین الدین نعیمی رحمۃ اللہ علیہ

#SeeratUnNabi
#ProphetMuhammad
#Islam
#WealthInIslam
#IslamicWealth
#TGG
#ThinkGoodGreen