Nagpur : ११ दिवस पोलिसांना हुलकावणी देणारी मॉडेल नागपुरात अटकेत!

लखनऊचे व्यावसायिक शिवा शर्मा मर्डर प्रकरणात मोठी कारवाई झाली आहे. गेल्या १२ दिवसांपासून पोलिसांना गुंगारा देणारी मुख्य आरोपी, मॉडेल आणि सोशल मीडिया इन्फ्लुएंसर श्रद्धा दुबे हिला उत्तर प्रदेश एसटीएफ आणि नागपूर पोलिसांनी संयुक्त कारवाई करत नागपुरातून बेड्या ठोकल्या आहेत. या मर्डर प्रकरणातील मुख्य आरोपी श्रद्धा दुबे, तिची बहीण रश्मी दुबे आणि दानिश उर्फ तन्वीर अली गेल्या १२ दिवसांपासून सतत आपले ठिकाण बदलून पोलिसांना चकवा देत होते. नागपूरच्या बेलतरोडी पोलीस ठाण्याच्या हद्दीतील एका पॉश फ्लॅटमधून यूपी एसटीएफ आणि नागपूर गुन्हे शाखेने या तिघांना ताब्यात घेतले होते. त्यानंतर काल त्यांना पुढील कायदेशीर प्रक्रियेसाठी हुडकेश्वर पोलीस ठाण्यात आणून ठेवण्यात आले होते. काल दिवसभर चौकशी केल्यानंतर, आता या तिन्ही आरोपींना लखनऊ पोलिसांच्या पथकाकडे सुपूर्द करून न्यायालयात हजर करण्यासाठी रवाना करण्यात आले आहे. पोलिसांच्या हातात सापडण्यापूर्वी ही मॉडेल सोशल मीडियावर स्वतःच्या बचावासाठी व्हिडिओ शेअर करत होती, मात्र आता ती थेट पोलिसांच्या जाळ्यात अडकली आहे.

#Lokmat #LokmatNagpur #ShraddhaDubey #ShivaSharma #LucknowNews #NagpurNews #CrimeNews #MaharashtraNews