সুকুমাৰ মেধিক প্ৰফেচৰ অৱ প্ৰেক্টিছ সন্মান প্ৰদান

মিৰ্জা : কামৰূপীয়া লোকসংস্কৃতিৰ সাধক সুকুমাৰ মেধিলৈ আগবঢ়োৱা হৈছে মণিপুৰ ইন্টাৰনেচনেল ইউনিভাৰ্ছিটিৰ 'প্ৰফেচৰ অৱ প্ৰেক্টিছ' সন্মান । দীৰ্ঘদিন ধৰি কামৰূপীয়া লোককৃষ্টি-সংস্কৃতি সাধনা আৰু প্ৰচাৰৰ সৈতে জড়িত হৈ আহিছে সুকুমাৰ মেধি । পৰম্পৰাগত ক্ৰীড়াৰ উত্তৰণৰ বাবে আগবঢ়োৱা সেৱাৰ বাবেও তেওঁ পৰিচিত ।সুকুমাৰ মেধিক ভাৰত চৰকাৰৰ সাংস্কৃতিক মন্ত্ৰণালয়ৰ অধীনস্থ উত্তৰ-পূব মণ্ডল সাংস্কৃতিক কেন্দ্ৰৰ পৰা ২০১৫-১৬ বৰ্ষত কামৰূপীয়া লোককৃষ্টিৰ গুৰুৰূপে স্বীকৃতি প্ৰদান কৰা হৈছে । হেৰাই যাব ধৰা বহুতো কামৰূপীয়া কৃষ্টি পোহৰলৈ আনি চৰ্চা আৰু প্ৰসাৰৰ বাবে প্ৰাথমিক বিদ্যালয়ৰ পৰা মহাবিদ্যালয়ৰ লগতে বিভিন্ন গাঁও নামঘৰ-সত্ৰত বিগত ৪০ বছৰৰ অধিক কাল মেধিয়ে নিৰন্তৰ সেৱা আগবঢ়াই আছে । এই সন্মানে নিশ্চিতভাৱে কৰ্মময় জীৱনৰ বাটত আগবাঢ়ি যোৱাত উৎসাহ যোগাব বুলি উল্লেখ কৰি তেওঁ কয়," দক্ষিণ কামৰূপৰ পৰম্পৰাগত লোকসংস্কৃতিৰ বাবে এটা ভাল খবৰ । আমাৰ কাৰণেও সাহসৰ খবৰ ।"লগতে পঢ়ক:নটসূৰ্য ফণী শৰ্মাৰ ৫৬ সংখ্যক স্মৃতি দিৱস, এক অবলোকন - NATSURYA PHANI SHARMA