Marathi | टॅक्सी चालकांना मराठीची सक्ती, पण टॅक्सीचा अंत आलाय जवळ | Taxi

मुंबईतील टॅक्सी चालकांसाठी मराठीत बोलण्याची सक्ती केली जात असताना अनेक चालक मराठी शिकण्याला विरोध नसल्याचे सांगत आहेत. मात्र शिकवलेल्या सिलॅबसच्या बाहेर प्रश्न विचारल्यास गोंधळ उडतो आणि मराठी बोलताना चूक झाल्यास दंडात्मक कारवाई होत असल्याची त्यांची तक्रार आहे.

मुंबईच्या दैनंदिन प्रवासात टॅक्सीचे महत्त्व मोठे आहे. मीटरनुसार भाडे आकारले जात असल्याने सर्वसामान्यांसाठी हा प्रवास परवडणारा ठरतो. पहिल्या एक किलोमीटरसाठी 31 रुपये आकारले जातात. मात्र उत्पन्न कमी होत असल्याने टॅक्सी व्यवसायात पुढची पिढी येण्यास तयार नसल्याचे चालक सांगतात. दुसरीकडे ओला-उबरच्या तुलनेत पारंपरिक टॅक्सीच्या भाड्याचा मुद्दाही उपस्थित केला जात आहे.

मराठी शिकण्यास विरोध नसून सक्तीच्या नावाखाली त्रास देऊ नये, अशी चालकांची मागणी आहे. टॅक्सीवरच कुटुंबाचा उदरनिर्वाह अवलंबून असल्याचेही चालक सांगतात. पुण्यासारख्या शहरांमध्ये मीटरने रिक्षा-टॅक्सी चालवण्याच्या नियमांची अंमलबजावणी करण्याची मागणीही करण्यात आली आहे.

रेल्वे स्थानकांवर रात्री आणि पहाटे काही चालकांकडून दोन ते तीन पट भाडे आकारले जात असल्याचाही मुद्दा उपस्थित करण्यात आला आहे. कमी उत्पन्न, वाढता त्रास आणि युनियनकडून अपेक्षित साथ मिळत नसल्याने भविष्यात मुंबईतील पारंपरिक टॅक्सींची संख्या मोठ्या प्रमाणात कमी होण्याची भीती व्यक्त केली जात आहे.

#MumbaiTaxi #TaxiDrivers #MarathiLanguage #Marathi #KaaliPeeliTaxi #Mumbai #OlaUber #MaharashtraNews #marathinews #asianetnewsmarathi #politics


तुमची प्रतिक्रिया जरुर व्यक्त करा

बातम्यांसाठी वेबसाईटवर जा https://marathi.asianetnews.com/

Like us on Facebook: https://www.facebook.com/asianetmarathinews/

Follow us on Instagram: https://www.instagram.com/asianetmarathinews/

Follow us on Twitter: https://x.com/AsianetNewsMH

Follow us on WhatsApp: https://whatsapp.com/channel/0029VbBClCr05MUdDR4CdO1o

Follow us on Arattia App: https://aratt.ai/@asianetnews_marathi

Download the Asianet News App now! Available on Android & iOS
👉 Android:
https://play.google.com/store/apps/details?id=com.vserv.asianet&hl=en_IN

👉 iOS:
https://apps.apple.com/in/app/asianet-news-official/id1093450032

➡ If you like our video, give us a thumbs up and subscribe to our channel to get the daily dosage of news, entertainment, sports and more.