ବୈତରଣୀରୁ ଭାସି ଆସିଲା 15 ଫୁଟର ଅଜଗର, ଉଦ୍ଧାର କଲେ ବନ୍ୟା ବିପନ୍ନ

Python Rescued ଭଦ୍ରକ: ଭଦ୍ରକ ଜିଲ୍ଲା ଦେଇ ପ୍ରବାହିତ ବୈତରଣୀ ନଦୀ ବନ୍ୟାଜଳରେ ଭାସି ଆସିଲା 15 ଫୁଟ ଲମ୍ବର ଅଜଗର ସାପ । ବନ୍ୟା ବିପନ୍ନମାନେ ଅଜଗରକୁ ଉଦ୍ଧାର କରିଛନ୍ତି । ବୈତରଣୀ ନଦୀରେ ବନ୍ୟା ଜଳ ବୃଦ୍ଧି ପାଇବା ପରେ ନଦୀ କୂଳିଆ ଅଞ୍ଚଳରେ ସାପଙ୍କ ପ୍ରାଦୁର୍ଭାବ ଦେଖିବାକୁ ମିଳିଛି । 
 ଭଣ୍ଡାରିପୋଖରୀ ବ୍ଲକର ବନ୍ଦାଳୋ-ମଢିଆଳୀ ମହେଶପୁର ବୈତରଣୀ ନଦୀବନ୍ଧ ଉପରୁ ସ୍ଥାନୀୟ ଲୋକମାନେ ଏକ 15 ଫୁଟ ଲମ୍ବର ବିଶାଳ ଅଜଗର ସାପକୁ ଉଦ୍ଧାର କରିଛନ୍ତି । ନଦୀରେ ଜଳସ୍ତର ବଢ଼ିବାରୁ ଅଜଗର ସାପଟି ବନ୍ୟା ପାଣିରେ ଭାସି ଆସି ରାସ୍ତାକଡ଼ ବୁଦା ମୂଳରେ ଆଶ୍ରୟ ନେଇଥିଲା । ଏହାକୁ ଦେଖି ସ୍ଥାନୀୟ ବନ୍ୟା ବିପନ୍ନମାନେ ସାହସର ସହ ସାପଟିକୁ ସୁରକ୍ଷିତ ଭାବେ ଉଦ୍ଧାର କରିଥିଲେ । ପରେ ବନ ବିଭାଗକୁ ଖବର ଦିଆଯାଇଥିଲା ଏବଂ ବନ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଅଜଗର ସାପଟିକୁ ନିଜ ଅକ୍ତିଆରକୁ ନେଇ ସୁରକ୍ଷିତ ଭାବେ ଜଙ୍ଗଲରେ ଛାଡ଼ିବା ପାଇଁ ବ୍ୟବସ୍ଥା କରିଥିବା ଜଣାପଡିଛି ।ଏହା ମଧ୍ୟ ପଢ଼ନ୍ତୁ...ବନ୍ୟା ଛାଡିଲା, ଯାଜପୁରରେ ସାପ ଭୟ ବଢିଲା: ଗାଁରେ ପଶୁଛନ୍ତି ବିଷଧର, ସାପ କାମୁଡିଲେ କରିବେ କଣ ?EXPLAINER: ବର୍ଷାଦିନେ ସର୍ପ ଆତଙ୍କ; ଓଡ଼ିଶାରେ ବର୍ଷକୁ ହଜାରରୁ ଅଧିକ ଜୀବନ ନେଉଛନ୍ତି ସାପଇଟିଭି ଭାରତ, ଭଦ୍ରକ